1. Umumiy qoidalar
AMARKETS MChJ (keyingi matnda “Kompaniya” deb ataladi) pul yuvishga qarshi kurash (AML) va terrorizmni moliyalashtirishga qarshi chor-tadbirlar (CFT) sohasida yuqori standartlarni saqlashga intiladi.
Kompaniya mijozlar, investorlar, agentlar, vositachilar va biznesda ishtirok etuvchi boshqa subyektlar turli qonunga xilof faoliyatga, jumladan, quyidagilarga, ammo shular bilan cheklanmasdan: pul yuvish, terrorizmni moliyalashtirish, ommaviy qurol tarqatish, narkotik vositalarini sotib olish va sotish, shantaj, kontrabanda, korrupsiya sxemalarini yashirish, soliq to‘lashdan qochish va kiber-jinoatlar bilan bog‘liq faoliyatga aloqador bo‘lmasligi uchun zarur chor-tadbirlarni ko‘radi.
Ushbu siyosat Kompaniyaning potensial yoki amaldagi mijozlariga umumiy ma’lumot taqdim etadi hamda mijozlarni verifikatsiya qilish bo‘yicha Kompaniyaning umumiy majburiyatlarini, shuningdek pul mablag‘larini legallashtirish (yuvish) va terrorizmni moliyalashtirish holatlarini aniqlash hamda oldini olish maqsadida qo‘llaniladigan choralarni belgilaydi.
Savdo platformasida savdo hisobini ro‘yxatdan o‘tkazishdan oldin Mijoz Kompaniyaning pul mablag‘larini legallashtirishga (yuvishga) qarshi kurashish siyosati, shuningdek Taqiqlangan yurisdiksiyalar ro‘yxati bilan tanishganini va ularga rozilik bildirganini tasdiqlaydi:
2. Pul mablag‘larini legallashtirishga (yuvishga) qarshi kurashish (AML) tushunchasi nimani anglatadi
Pul mablag‘larini legallashtirishga (yuvishga) qarshi kurashish (AML) — bu noqonuniy yo‘l bilan olingan mablag‘larni qonuniy aktivlarga aylantirishga qaratilgan urinishlarni aniqlash va ularning oldini olishga qaratilgan chora-tadbirlar, tartib-taomillar hamda qonunchilik hujjatlarining majmuasidir.
Mablag‘larning kelib chiqish manbasini moliyaviy regulyatorlar yoki huquqni muhofaza qiluvchi organlardan yashirish moliyaviy jinoyat hisoblanadi va jiddiy huquqiy oqibatlarga olib keladi.
Moliyaviy sohaning jadal rivojlanishi natijalaridan biri — pul mablag‘larini legallashtirishga (yuvishga) qarshi kurashishga qaratilgan huquqiy hujjatlar va qonunlarning yaratilishi bo‘ldi.
Xalqaro miqyosda tan olingan ushbu choralar natijasida noqonuniy faoliyatga jalb qilingan kompaniyalar va jismoniy shaxslar tartibga soluvchi hamda huquqni muhofaza qiluvchi organlar tomonidan jiddiy nazorat va cheklovlarga duch kelmoqda.
3. AMARKETS LLC kompaniyasida qabul qilingan pul mablag‘larini legallashtirishga (yuvishga) va terrorizmni moliyalashtirishga qarshi kurashish siyosati
Kompaniya Kuk orollari qonunlari, nizomlari va me’yoriy-huquqiy hujjatlariga to‘liq rioya qiladi hamda ular pul mablag‘larini legallashtirishga (yuvishga) va terrorizmni moliyalashtirishga qarshi kurashishga qaratilgan.
Mazkur qonunlar va me’yoriy hujjatlar haqida batafsil ma’lumotni Kuk orollari Moliyaviy nazorat xizmati (FSC) rasmiy saytida topish mumkin.
Pul mablag‘larini legallashtirish (yuvish) va terrorizmni moliyalashtirish Kuk orollari amaldagi qonunchiligiga muvofiq jinoiy jinoyatlar hisoblanadi.
2017-yildagi “Moliyaviy operatsiyalar to‘g‘risidagi qonun” (FTRA) ga muvofiq, Kompaniya pul mablag‘larini legallashtirish (yuvish) va terrorizmni moliyalashtirishga qarshi kurashish bo‘yicha quyidagi Dasturini ishlab chiqdi (bundan buyon “AML dasturi” deb yuritiladi).
3.1 Pul mablag‘larini legallashtirishga (yuvishga) qarshi kurashish bo‘limini tashkil etish (AML/Compliance Department)
Pul mablag‘larini legallashtirishga (yuvishga) qarshi kurashish departamenti AMARKETS kompaniyasining AML dasturiga rioya etilishini nazorat qiladi.
Pul mablag‘larini legallashtirishga (yuvishga) qarshi kurashish departamenti quyidagilar uchun javobgar:
- FTRA talablariga muvofiq pul mablag‘larini legallashtirishga (yuvishga) qarshi kurashish bo‘yicha ichki siyosatni ishlab chiqish, joriy etish va muntazam yangilab borish.
- Kompaniya xodimlarini shubhali moliyaviy operatsiyalarni aniqlash maqsadida o‘qitish va tayyorlash.
- Moliyaviy razvedka xizmatiga shubhali moliyaviy faoliyatni aniqlash va uning oldini olishda ko‘maklashish.
- Kompaniya Direktorlar kengashi va yuqori rahbariyatini AML dasturiga rioya etilishi hamda moliyaviy xatarlar haqida xabardor qilib borish.
- Kompaniya mijozlarini tekshirish va doimiy monitoring qilish.
Pul mablag‘larini legallashtirishga (yuvishga) qarshi kurashish departamentiga Direktorlar kengashi tomonidan tayinlangan katta AML mutaxassisi (MLRO) rahbarlik qiladi.
3.2 Majburiy “Mijozni bilish” siyosati (KYC)
Mijozni bilish siyosati (bundan buyon — KYC) Mijoz shaxsini tekshirishning majburiy tartibi hisoblanadi. Ushbu siyosat noqonuniy faoliyat xavfini kamaytirish orqali Mijozlar va Kompaniya manfaatlarini himoya qilishga yordam beradi.
Amaldagi qonunchilikka muvofiq, moliyaviy muassasalarga anonim (shaxsi aniqlanmagan) savdo hisobvaraqlarini ochish taqiqlanadi.
KYC jarayoni quyidagi mijoz ma’lumotlarini tekshirishni o‘z ichiga oladi, ammo ular bilan cheklanmaydi:
- Hujjatlarning haqiqiyligi.
- Shaxsiy ma’lumotlarning haqiqiyligi.
- Elektron pochta manzili va telefon raqami.
- Yashash mamlakati.
Kompaniya zarurat tug‘ilganda KYC jarayonini yakunlash uchun qo‘shimcha ma’lumotlarni so‘rash huquqini o‘zida saqlab qoladi.
Mijoz tomonidan to‘liq bo‘lmagan yoki noto‘g‘ri ma’lumotlar taqdim etilishi xizmat ko‘rsatishni rad etishga yoki xizmatlarni to‘xtatishga olib kelishi mumkin.
Mijozlarni tekshirish jarayoni uchinchi tomon xizmat ko‘rsatuvchisi orqali hujjatlarni elektron shaklda taqdim etish yo‘li bilan amalga oshiriladi. Shaxsiy ma’lumotlarni qayta ishlash bo‘yicha xizmat ko‘rsatuvchi Checkin.com hisoblanadi.
Kompaniya tomonidan yig‘ilgan maxfiy ma’lumotlar uchinchi shaxslarga faqat amaldagi qonunchilikka muvofiq ravishda yuborilgan rasmiy so‘rov mavjud bo‘lgan taqdirda taqdim etilishi mumkin.
KYC jarayoni bilan bog‘liq savollarni quyidagi elektron pochta manziliga yuborish lozim: [email protected]
3.3 Avtomatlashtirilgan risklarni baholash tizimi
Kompaniya ishonchsiz mijozlar va yuqori riskli tranzaksiyalarni aniqlash uchun avtomatlashtirilgan risklarni baholash tizimidan foydalanadi.
Kompaniya zaruratga ko‘ra risklarni baholash tizimini sozlash va o‘zgartirish huquqini o‘zida saqlab qoladi.
Pul mablag‘larini legallashtirishga (yuvishga) qarshi kurashish departamenti risklarni baholash tizimi tomonidan belgilangan mijozlar ustidan muntazam monitoring olib boradi.
Xavfsizlikni ta’minlash maqsadida Kompaniya risklarni baholash tizimi hamda Kompaniyaning ichki tartib-taomillari to‘g‘risidagi ma’lumotlarga ochiq kirishni taqdim etmaydi
Ma’lumotlar tahlili asosida pul mablag‘larini legallashtirishga (yuvishga) qarshi kurashish departamenti risklarni baholaydi va zarur choralarni ko‘radi.
3.4 Kompaniya xodimlarini pul mablag‘larini legallashtirishga (yuvishga) qarshi kurashish siyosati haqida xabardor qilish
Pul mablag‘larini legallashtirishga (yuvishga) qarshi kurashish siyosati (AML policy) nafaqat noqonuniy yo‘l bilan olingan mablag‘larni legallashtirishga urinish qilayotgan shaxslarga, balki tranzaksiyalarni monitoring qilish va qayta ishlash jarayonida ishtirok etadigan moliyaviy muassasa xodimlariga ham taalluqlidir.
Pul mablag‘larini legallashtirishga (yuvishga) qarshi kurashish departamenti Kompaniya xodimlarini AML bo‘yicha yo‘riqnomalar haqida muntazam ravishda xabardor qiladi hamda tashkilotlar va jismoniy shaxslar tomonidan pul mablag‘larini legallashtirish uchun qo‘llaniladigan shubhali faoliyat naqshlarini aniqlashga qaratilgan treninglar o‘tkazadi.
Agar Kompaniya xodimida tranzaksiyalarni qayta ishlash jarayonida AML yo‘riqnomalari va ushbu Siyosatga asoslangan holda shubhali yoki noqonuniy faoliyat bo‘yicha gumon paydo bo‘lsa, xodim ushbu ma’lumotni bo‘lim rahbariga va pul mablag‘larini legallashtirishga (yuvishga) qarshi kurashish departamentiga keyingi tekshiruv uchun taqdim etadi.
3.5 Siyosiy jihatdan muhim shaxslar (PEP) to‘g‘risidagi qoidalar
Ushbu Siyosat doirasida “Siyosiy jihatdan muhim shaxs” (inglizcha: Politically Exposed Person, PEP) atamasi “Moliyaviy operatsiyalar to‘g‘risidagi qonunning” (FTRA) 3-moddasiga muvofiq belgilanadi va quyidagilarni o‘z ichiga oladi:
- Muayyan mamlakat ichida yoki xalqaro darajada muhim ijtimoiy (davlat) lavozimni egallagan jismoniy shaxs.
- “Moliyaviy operatsiyalar to‘g‘risida”gi qonun” (FTRA) bilan belgilangan ushbu jismoniy shaxsning oila a’zolari va yaqin hamkorlari.
Siyosiy jihatdan muhim shaxs (PEP) maqomiga ega bo‘lgan Mijoz ushbu maqomini tasdiqlovchi hujjatlar nusxalarini pul mablag‘larini legallashtirishga (yuvishga) qarshi kurashish departamentiga taqdim etishi shart.
Hujjatlar nusxalarini savdo hisobvarag‘ini platformada ro‘yxatdan o‘tkazishdan oldin quyidagi elektron pochta manziliga yuborish zarur: [email protected].
Siyosiy jihatdan muhim shaxslar (PEP) bilan ishbilarmonlik munosabatlarini o‘rnatish bilan bog‘liq har bir holat amaldagi qonunchilikka muvofiq manfaatdor tomonlar o‘rtasida alohida tartibda ko‘rib chiqiladi.
Kompaniya amaldagi qonunchilikka muvofiq uning xizmatlaridan foydalanayotgan Siyosiy jihatdan muhim shaxslar (PEP) to‘g‘risida ma’lumotlarni olishga majburdir.
Kompaniya Siyosiy jihatdan muhim shaxs (PEP) maqomining mavjudligini tasdiqlash uchun uchinchi tomon xizmatlaridan foydalanish hamda zarurat tug‘ilganda qo‘shimcha ma’lumotlarni so‘rash huquqini o‘zida saqlab qoladi.
3.6 Sanksiya qo‘llangan shaxslar (Sanctioned Persons) to‘g‘risidagi qoidalar
AMARKETS LLC sanksiyalar qo‘llangan shaxslarga xizmat ko‘rsatmaydi.
Ushbu Siyosat doirasida “sanksiya qo‘llangan shaxs” deganda sanksiyalar bilan bog‘liq maxsus toifadagi shaxslar ro‘yxatlariga kiritilgan har qanday jismoniy yoki yuridik shaxs tushuniladi, jumladan, ammo quyidagilar bilan cheklanmagan holda:
- AQShning OFAC konsolidatsiyalangan sanksiyalar ro‘yxati (SDN ro‘yxatidan tashqari).
- AQShning OFAC maxsus belgilangan fuqarolar va taqiqlangan shaxslar ro‘yxati (SDN).
- Interpol bildirishnomalari.
- Yevropa Ittifoqining moliyaviy sanksiyalariga tushgan shaxslarning konsolidatsiyalangan ro‘yxati.
- Isroilning terroristik tashkilotlar va taqiqlangan uyushmalar ro‘yxatlari.
- Birlashgan Millatlar Tashkiloti Xavfsizlik Kengashining konsolidatsiyalangan ro‘yxati.
- Sanksiyalar qo‘llangan shaxslarning boshqa ro‘yxatlari.
Sanksiya qo‘llangan shaxslar ro‘yxatiga kiritilgan potensial Mijozlarga platformada savdo hisobvaraqlarini ro‘yxatdan o‘tkazish taqiqlanadi.
Sanksiyalar holati yangilangan va natijada sanksiya qo’llanilgan shaxslar ro’yxatiga kiritilgan mijozlar darhol [email protected] manziliga xabar berishlari kerak.
Kompaniya sanksiya qo‘llangan Mijozlar maqomini aniqlash va tasdiqlash maqsadida uchinchi tomon xizmatlaridan foydalanish huquqini o‘zida saqlab qoladi hamda zarurat tug‘ilganda qo‘shimcha ma’lumotlarni so‘rashi mumkin.
4. Shaxsiy ma’lumotlarni saqlash
Kompaniya Mijozlarni identifikatsiya qilish, verifikatsiya qilish va moliyaviy operatsiyalarni amalga oshirish jarayonida olingan shaxsiy ma’lumotlarni saqlash va qayta ishlash huquqini o‘zida saqlab qoladi, jumladan, ammo quyidagilar bilan cheklanmagan holda:
- Mijoz tomonidan shaxsni verifikatsiya qilish uchun taqdim etilgan ma’lumotlar.
- Mablag‘larni kiritish va yechib olishda foydalaniladigan usullar.
- Ochiq (umumiy foydalanishdagi) ma’lumotlar bazalaridan olingan Mijoz haqidagi ma’lumotlar.
- Mijoz shaxsini verifikatsiya qilish jarayonida aniqlangan har qanday nomuvofiqliklar.
Kompaniya Mijozning shaxsiy kabinetidagi oxirgi moliyaviy faollik sanasidan yoki uning hisobvarag‘i yopilgan kundan boshlab shaxsiy ma’lumotlarni ingliz tilida olti yil davomida saqlaydi. Shuningdek, Kompaniya Mijozning shubhali faoliyati to‘g‘risidagi ma’lumotlarni ham olti yil davomida saqlaydi.
AMARKETS LLC kompaniyasining pul mablag‘larini legallashtirishga (yuvishga) va terrorizmni moliyalashtirishga qarshi kurashish choralariga (AML/CFT) yoki ushbu Siyosatga oid savollarni quyidagi elektron pochta manziliga yuborish lozim: [email protected].
Elektron pochta: [email protected]
Oxirgi tahrir sanasi: 07/03/2024
AMARKETS LLC Kuk orollarida LLC14486/2023 ro‘yxat raqami bilan ro‘yxatdan o‘tgan
Ushbu hujjat rus tilidagi versiyasining tarjimasi hisoblanadi